Ҷамъбасти озмуни «Мақолаи беҳтарин» дар Рӯзи ҷавонон

Душанбе, 24.05.2014 (АМИТ «Ховар», Фарзонаи Давлат).-Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади тақвият бахшидани неруҳои зеҳнӣ, ҷалби донишҷўёну муҳаққиқони ҷавон ба корҳои илмию амалӣ дар соҳаи туризм озмуни ҷумҳуриявии «Мақолаи беҳтарин» дар мавзўи «Тоҷикистон- кишвари туризм» бахшида ба Рўзи ҷавонони Тоҷикистонро доир намуд, ки он дирӯз дар «Кохи Ҷомӣ» ҷамъбаст гардид.Тавре ки дар ин бора аз Кумитаи ҷавонон, варзиш ва сайёҳӣ хабар доданд, мақолаҳое, ки ба озмун пешниҳод гардидаанд, васфи сарзамини Тоҷикистонро дар бар гирифта, баҳри баланд бардоштани ҳисси ватандўстии ҷавонон ва ваҳдату дўстӣ мусоидат менамоянд. Бо назардошти фикру андешаҳои пешниҳодшуда ва дар асоси хулосаи доварон, бо бартарияти мазмуну муҳтаво, масъалагузорӣ ба соҳа ва ба талаботи озмун ҷавобгў будани онҳо:ҷои аввал ба мақолаи- “Рушди туризми экологӣ дар Тоҷикистон” муаллиф-Абдуллоев З.А.-муаллими калони кафедраи менеҷменти Донишгоҳи давлатии тиҷорати Тоҷикистон, ҷойи дуюм ба мақолаи «Тоҷикистон — кишвари сайёҳии ояндадор”, муаллиф- Темур-Малик Абдусатторов, донишҷўи бахши 3-юми факултаи тиббии ДДТТ ба номи Абуалӣ ибни Сино, ду ҷойи сеюм ба мақолаҳои — «Тоҷикистон кишвари туристӣ», муаллиф- Момаҷон Расулова, донишҷўи курси якуми факултаи муносибатҳои байналмилалии Донишгоҳи миллии Тоҷикистон ва «Тоҷикистон-кишвари сайёҳӣ» муаллиф-Бибимо Сафармамадова, Мутахассиси соҳаи меҳмоннавозӣ ва «Тоҷикистон- кишвари туризм»-муаллиф Умеда Султонмамадова, аспиранти Институти забон, адабиёт, шарқшиносӣ ва мероси хаттии ба номи Рўдакии Академияи илмҳои Тоҷикистон дода шуд. Мукофотҳо ба ғолибони озмун аз ҳисоби «Барномаи давлатии рушди туризм дар Тоҷикистон дар давраи солҳои 2010-2014» тақдим шуданд.