Ҷашнвораи донишҷӯёни тоҷик дар шаҳри Ғозиёнтеппа
Душанбе, 05.05.2014. (АМИТ «Ховар, Фарангиз Раҳимова). — Аз 1 то 4 майи соли ҷорӣ дар шаҳри Ғозиёнтеппаи Туркия Ҷашнвораи УШ донишҷӯёни тоҷики муҳассили Туркия баргузор гардид.
Дар ҷашнвора, ки бо ибтикори Сафорати Тоҷикистон дар Туркия роҳандозӣ шуд, беш аз 200 нафар донишҷӯёни тоҷики ҳамаи донишкадаҳои олии Туркия иштирок доштанд.
Дар маросими расмии ин чорабинӣ сафири Тоҷикистон дар Тоҷикистон Фаррух Шарифов, академик ва файласуф Нодир Одилов, нависанда, таърихшинос, дорандаи мукофоти Рӯдакӣ Барот Абдураҳмонов, муовини аввали ҳокими шаҳри Ғозиёнтеппа Маҳмад Тошдуғон, ёвари ректори донишгоҳи «Зирве» Фотеҳ Туремен, директори генералии Маркази таҳсилотии «Шалола» Сабоҳиддин Ғунай ширкат намуданд.
Сафир Фаррух Шарифов меҳмонон ва донишҷӯёни тоҷикро хайра мақдам гуфта, ба намояндагони ҷониби Туркия барои расонидани кӯмак ҷиҳати ташкили ҷашнвора изҳори миннатдорӣ карда, зикр намуд, ки ҷашнвора ба муносибати 20 – солагии Конститутсияи Ҷумиҳурии Тоҷикистон доир шудааст.
Фаррух Шарифов ҳозиронро бо моҳияту мазмуни Қонуни Асосии Ҷумҳурии Тоҷикистон ва аҳамияти он барои барқароршавии давлати соҳибихтиёри Тоҷикистон шинос карда, зикр намуд, ки дӯстии Тоҷикистону Туркия ҳамеша рушду густариш меёбад.
Муовини раиси шаҳри Ғозиёнтеппа Маҳмад Тошдуғон иштирокдорони ҷашнвораро муборакбод намуда, ба онҳо комёбиҳо орзу кард.
Сабоҳиддин Ғунай зимни суханрониаш ба забони тоҷикӣ иброз дошт, ки халқи тоҷик халқи пурфарҳангу бомаърифат буда, чунин шоирону мутафаккиронро аз қабили Мавлоно Ҷалолиддини Румӣ, Абӯабдулло Рӯдакӣ, Абуалӣ ибни Сино ва бисёр олимони бузург ба дунё овардааст.
Дар рӯзи аввали ин чорабинӣ байни донишҷӯён муҳокимаи Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон сурат гирифт.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






