Афзоиши пасандозҳо идома дорад

Душанбе, 29.05.2014. (АМИТ «Ховар», Лайло Тоирӣ).- Тибқи маълумотҳои оморӣ ҷалби пасандозҳои шахсони ҳуқуқӣ ва воқеӣ аз ҷониби ташкилотҳои қарзии ҷумҳурӣ дар охири моҳи апрели соли ҷорӣ 5 млрд. 796,4 млн. сомониро ташкил намуд, ки нисбат ба ҳамин давраи соли гузашта 15,8 фоиз зиёд аст. 
     Бино ба иттилои хадамоти матбуоти Бонки миллии Тоҷикистон,  33,5 фоиз ё 1 млрд. 942,3 млн. сомониро пасандозҳои шахсони ҳуқуқӣ ва 66,5 фоиз ё 3 млрд. 854,1 млн. сомониро пасандозҳои шахсони воқеӣ ташкил медиҳанд. 
     Фоизи миёнавазни пасандозҳо дар моҳҳои январ-апрели соли равон бо пули миллӣ 15,28 фоиз ва бо асъори хориҷӣ 12,26 фоизи солонаро ташкил намуд.