Анҷумани тиҷоратии Лаҳистону Тоҷикистон
Душанбе, 27.05.2014. (АМИТ «Ховар», Кристина Эрлих). – Дар ҳошияи ҷаласаи 1У Комиссияи байниҳукуматии Лаҳистону Тоҷикистон оид ба ҳамкории иқтисодӣ, ҳамчунин Намоишгоҳ — ярмаркаи ҳарсолаи байналмилалии «ИНТЕРЛЕГПРОМ — 2014» 6 июн дар шаҳри Душанбе анҷумани тиҷоратии Лаҳистону Тоҷикистон бо иштироки ҳамраисони Комиссияи байниҳукуматии Лаҳистону Тоҷикистон оид ба ҳамкории иқтисодӣ ва сохторҳои тиҷоратии Лаҳистону Тоҷикистон баргузор мегардад. Дар ин бора аз ПСС ҶТ ба АМИТ «Ховар» хабар доданд.Анҷумани тиҷоратӣ бо ибтикори Палатаи савдо ва саноати Тоҷикистон ва мусоидати Сафорати Лаҳистон дар Ӯзбекистон ва Тоҷикистон роҳандозӣ мешавад.Дар ҷараёни ин чорабинӣ имконияти баланд бардоштани сатҳи гардиши мол бо василаи рушди ҳамкории соҳибкорони ҳар ду кишвар дар бахшҳои нақлиёт, неруи барқ, сохтмон, кишоварзӣ, байторӣ, тандурустӣ, ҷалби сармояҳои Лаҳистон ба кишвар, бунёди корхонаҳои муштарак мавриди баррасӣ қарор мегирад.Дар кори анҷуман муовини раиси Палатаи иқтисодии Лаҳистон Марек Клочко иштирок менамояд. Дар ҷараёни фаъолияти анҷуман намояндагони корхонаҳои Лаҳистону Тоҷикистон гуфтушунидҳои дуҷониба анҷом дода, бахшҳои нави ҳамкорӣ барои истифодаи судманди неруи ҳамкории дуҷонибаро муайян мекунанд.Ҳайати Лаҳистон ҳамчунин дар кори Намоишгоҳ -ярмаркаи ҳарсолаи байналмилалии «ИНТЕРЛЕГПРОМ — 2014», ки аз 4 то 7 июн дар Маҷмааи давлатии «Кохи Борбад» баргузор мегардад, иштирок менамояд.
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
