Баргузории чорабинии идона дар қисми ҳарбӣ

Хуҷанд, 29.05.2014. (АМИТ “Ховар”, Абдуаҳад Шарифзода).-28 май дар қисми ҳарбии 2601 Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, вокеъ дар шаҳри Чкалов  бахшида ба 20-солагии таъсиси Қӯшунҳои сарҳадӣ чорабинии  идона баргузор шуд.
Дар чорабинии мазкур роҳбарияти шаҳри Чкалов, намояндагони сохторҳои мақомоти ҳифзи ҳуқуқ, собиқадорони Қӯшунҳои сарҳадӣ ва меҳмонон  иштирок доштанд.
Иштирокдорони ҳамоиш сарбозону афсарони шуҷои Ватанро бо Рӯзи сарҳадбонон шодбош гуфта, дар самти ҳимояи марзу буми Ватан ба онон бурдбориву комёбиҳо таманно намуданд.
Дар хатми чорабинӣ  як гурӯҳ сарбозону афсарон бо рутбаҳои нави ҳарбӣ, медал ва ифтихорномаҳо мукофонида шуданд.