Барномаҳои рангини фарҳангӣ барои ҳомиёни Ватан

Душанбе, 29.05.2014. (АМИТ «Ховар», Раъно Нусратуллозода).-Бахшида ба Рӯзи сарҳадбонони Ҷумҳурии Тоҷикистон, ки ҳамасола 28 май ҷашн гирифта мешавад,  дирӯз дар қисмҳои низомии 2604, 2654, 2712 бо иштироки ҳунарпешаҳои машҳури муассисаҳои консертии Вазорати фарҳанги Ҷумҳурии Тоҷикистон — Иттиҳодияи давлатии гурӯҳҳои эҷодию консертӣ, Филармонияи давлатии Тоҷикистон ба номи А.Ҷӯраев, Ансамбли давлатии хизматнишондодаи рақсии «Лола» ба номи Ғ. Валаматзода барномаҳои рангини консертӣ доир гардиданд. 
Тавре ки аз Вазорати фарҳанги ҷумҳурӣ иттилоъ доданд, дар ҷараёни ин мулоқотҳо нависандагону шоирони маъруф сарбозону афсарони қисмҳои сарҳадиро бо ҷашни касбиашон самимона муборакбод гуфтанд.