«Барои иродаи матин ба ғалаба»-ҷоиза ба Хуршед

Душанбе, 20.05.2014. (АМИТ «Ховар», Мавҷуда Анварӣ). -Дар мусобиқаи байналмилалӣ оид ба гӯштини тарзи дзюдо, ки рӯзҳои 17-18 майи соли равон дар шаҳри Санкт-Петербурги Федератсияи Русия баргузор гардид, варзишгарон аз Ҷумҳурии Тоҷикистон низ иштирок намуданд.
Дастпарвари Шӯрои ҷумҳуриявии «Динамо»-и Вазорати корҳои дохилӣ Маҷидов Хуршед Ҳотамович дар вазни +90 килограмм баромад намуда, соҳиби ҷойи аввал ва медали тилло гардид. Ҳамчунин ӯ ба гирифтани ҷоизаи «Барои иродаи матин ба ғалаба» мушарраф шуд.
Дар ин мусобиқаи сатҳи байналмилалӣ  варзишгарон аз 10 давлати дунё ва шаҳрҳои Федератсияи Русия иштирок намуда, барои гирифтани ҷойҳои намоён ҷаҳду талош варзиданд.
Хуршед Маҷидов хонандаи синфи 10-уми литсеи инноватсионӣ дар назди Донишкадаи технологии Тоҷикистон мебошад.