Боздиди Марҳабо Ҷабборӣ аз муассисаҳои иҷтимоии ноҳияи Ҳисор
Душанбе, 03.05.2014. (АМИТ «Ховар») Дирӯз дар доираи баргузории ҷаласаи сайёри Кумитаи тадорукот оид омодагӣ ва баргузории 3000-солагии Ҳисор муовини Сарвазири Ҷумҳурии Тоҷикистон Марҳабо Ҷабборӣ аз як қатор муассисаҳои иҷтимоии ноҳияи Ҳисор дидан намуд. Зимни боздид аз шароити буду бош ва рафти иҷрои Амри Президенти Ҷумҳурии Тоҷикистон аз 10 феврали соли 2014, №159 дар Мактаб – интернати ҷумҳуриявии кӯдакони нобино ва сустбин, Мактаб – интернати низомаш махсуси ҷумҳуриявии Хирманак, Хона – интернати касалиҳои руҳии ноҳияи Ҳисор аз наздик шинос шуд. Бояд тазаккур дод, ки дар доираи омодагиҳо ба ҷашни 3000-солгаии Ҳисор соли 2013 навбати аввали таҷдиду барқарорсозии Мактаб-интернати ҷумҳуриявии низомаш махсус (полиомелит) ва Мактаб – интернати ҷумҳуриявии кӯдакони нобино ва сустбини ноҳияи Ҳисор ба анҷом расонида шудааст.Соли равон бошад, барои идомаи навбати дуюми таҷдиду барқарорсозии Мактаб – интернати ҷумҳуриявии низомаш махсус (полиомелит) дар ҳаҷми 500 ҳазор сомонӣ ва барои таҷдиду барқарорсозии Мактаб – интернати ҷумҳуриявии кӯдакони нобино ва сустбини ноҳия дар хаҷми 300 ҳазор сомонӣ маблағ пешбинӣ гардидааст.Дар ҷараёни шиносоӣ аз ҷониби муовини Сарвазири Ҷумҳурии Тоҷикистон Марҳабо Ҷабборӣ ба роҳбарияти муассисаҳои иҷтимоии мазкур ва вазорату идораҳои марбута ҷиҳати боз ҳам беҳтар намудани шароит дастуру супоришҳои мушаххас дода шуд. Дар ин сафар муовини сарвазирро Нуриддин Саид – вазири маориф ва илми Ҷумҳурии Тоҷикистон ҳамроҳӣ намуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






