Бунёди ду коргоҳ дар арафаи иди Ваҳдати миллӣ
Хуҷанд, 03.05.2014. (АМИТ “Ховар”, Абдуаҳад Шарифзода).-Дар арафаи таҷлили иди Ваҳдати миллӣ дар маркази Суғд ифтитоҳи ду коргоҳи истеҳсолӣ дар назар аст. Дар робита ба ин шаҳрдори Хуҷанд аз коргоҳҳои истеҳсолии шаҳр дидан намуд.
Тавре ки аз дастгоҳи мақомоти иҷроияи давлатии ҳокимияти шаҳр иттилоъ доданд, раиси шаҳри Хуҷанд Раҷаббой Аҳмадзода аз ду корхонаи саноатӣ, яъне аз коргоҳи ҶДММ «Таҷпет» ва ҶДММ «Нанотехнология» дидан намуд.
Коргоҳи ҶДММ «Таҷпет» барои коркарди зарфҳои пластикии истифодашуда ва истеҳсоли зарраҳои пластикӣ, ки аз он нахи сунъӣ омода мешаванд, пешбинӣ шудааст. Дар айни ҳол пас аз насби таҷҳизоти муосир, коргоҳ ба таври озмоишӣ аввалин зарраҳои пластикиро мавриди санҷиш қарор додааст. Дар сурати бо иқтидори пурра фаъолият намудани коргоҳ, имкон ҳаст то 20 тонна ашёи хоми нахи сунъӣ истеҳсол гардад.
Сипас шаҳрдори Хуҷанд аз фаъолияти коргоҳи «Нанотехнология» дидан кард. Коргоҳи мазкур дар якҷоягӣ бо мутахассисони Ҷумҳурии Туркия соли равон таъсис ёфта, барои истеҳсоли 4 намуди маҳсулоти сохтмонӣ, аз қабили дару тиреза, хиштҳои дорои ҳаҷми гуногун, болопӯшу девораҳои оҳану бетонӣ ва ғайра пешбинӣ шудааст. Баробари ба кор оғоз намудани он 100 нафар бо ҷойи кор таъмин хоҳанд шуд.
Пас аз шиносоӣ аз коргоҳҳои мазкур раиси шаҳри Хуҷанд Раҷаббой Аҳмадзода дастур дод, то корҳои омодагиро дар коргоҳҳои мазкур вусъат дода, дар арафаи таҷлили иди Ваҳдати миллӣ онро ба истифода диҳанд.
Дар маҷмӯъ, то интиҳои соли равон дар нақша дар шаҳри Хуҷанд ба истифодадиҳии 20 коргоҳи нав пешбинӣ шудааст.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






