Дар Суғд нақшаи даъвати баҳорӣ ба сафҳои артиш иҷро шуд

Хуҷанд, 27.05.2014. (АМИТ «Ховар», Абдуаҳад Шарифзода). – Дар вилояти Суғд нақшаи даъвати баҳорӣ ба сафҳои Қувваҳои мусаллаҳи Ҷумҳурии Тоҷикистон баробари 100 фоиз иҷро гардид. Тавре ки аз комиссариати ҳарбии вилоят хабар доданд, 24 май ҳамаи 18 шаҳру ноҳияҳои вилоят аз пеш аз мӯҳлат иҷро шудани нақшаи даъвати баҳорӣ хабар доданд. Баҳори соли ҷорӣ аз ин вилояти кишвар беш аз аз 2 ҳазор нафар даъватшавандагон барои адои хидмат ба сафҳои Қувваҳои мусаллаҳи ҷумҳурӣ фиристода шуданд.Хотирнишон месозем, ки даъвати баҳорӣ дар кишвар 1 апрел оғоз ёфта, то 31 май идома меёбад. Ҷавонони синнашон аз 18 то 27, ки ҳуқуқи мавқуф гузоштани мӯҳлати хидматро надошта, ё аз даъват ба хидмати ҳарбӣ озод нашудаанд, ба сафҳои Артиши Тоҷикистон даъват карда мешаванд.