Даъват шудани М. Убайдуллоев ба Покистон
Душанбе, 27.05.2014.(АМИТ «Ховар», Марзия Саидзода).- «Рушди муносибатҳои байнипарлумонӣ ҳамчун институти комили низоми давлатдории муосир барои тақвияти робитаҳои дӯстӣ ва ҳамкориҳои судманди Тоҷикистону Покистон нақши беназир дорад». Ин матлабро Маҳмадсаид Убайдуллоев -раиси Маҷлиси миллии Маҷлиси Олии Ҷумҳурии Тоҷикистон зимни мулоқоташ бо Сардор Аёз Содиқ- раиси Ассамблеяи миллии Ҷумҳурии Исломии Покистон иброз дошт.
Маҳмадсаид Убайдуллоев афзуд, ки ин сафар дар густариши муносибатҳои байнипарлумонии ҳар ду кишвар хусусан тақвияти фаъолияти гурӯҳҳои дӯстӣ ва ҳамкории байнипарлумонӣ нақши муассир хоҳад гузошт.
Мусоҳибон ҳамзамон масоили марбут ба рушди ҳамкориҳои ҳасанаи Душанбеву Исломободро дар бахшҳои гидроэнергетика, хусусан татбиқи лоиҳаи «CASA-1000», саноати сабук, коммуникатсия, кишоварзӣ, маориф ва фарҳанг бо истифода аз имкониятҳои парлумонҳо баррасӣ намуданд.
Бо дахли масъалаҳои умдаи ҷомеаи ҷаҳонӣ М. Убайдуллоев зикр намуд, ки Тоҷикистон ва Покистон ҳамчун узви Иттиҳоди зидди¬тер¬ро¬рис¬тӣ дар таъмини амнияти минтақа ва ҷаҳон саҳми назаррас гузошта, дар мубориза бар зидди гардиши ғай¬риқонунии маводи мухаддир метавонанд тадбирҳои таъхирнпазир ан¬дешанд.
Зикр шуд, ки марҳилаи имрӯзаи муносибатҳо татбиқи як зумра лоиҳаҳои муштаракро талаб менамояд. Хусусан бунёди роҳи мошингард бо баромадан ба бандари Қарочӣ ба афзоиши гардиши мол ва рушди тиҷорати хурду бузург шароит фароҳам оварда, ба роҳ мондани хатсайрҳои ҳавоӣ ба рушди иқтисодиёти ҳарду кишвар заминаи босазо хоҳад гузошт.
Сардор Аёз Содиқ- раиси Ассамблеи миллии Покистон изҳор дошт, ки Покистон омода аст барои татбиқи ҳадафҳои мутаносибан судманд қадамҳои устувор гузорад. Дар фарҷом Сардор Аёз Содиқ аз Маҳмадсаид Убайдуллоев даъват ба амал овард, ки дар фурсати барояш муносиб бо сафари расмӣ аз Покистон боздид намояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






