Диққати ҷиддӣ ба Созмони талабагӣ

Шаҳраки Сомониён, 07.05.2014. (АМИТ «Ховар», Ҳотами Шариф).- Тибқи иттилои раиси Шӯрои  Созмони талабагии ба номи Исмоили Сомонӣ Рухшона Шобуддинова алҳол дар Маркази эҷодиёти  кӯдакон ва наврасони ноҳияи Рӯдакӣ дар  12 маҳфили касбу ҳунаромӯзӣ 420 нафар хонанда дар 42 гурӯҳ фаъолияти пурсамар доранд. 
Созмони талабагии мазкур аз рукнҳои муҳими тарбияи ахлоқии ҳамидаи насли наврас ба ҳисоб рафта, дар кори таълиму тарбия ҳиссаи  босазо дорад.
Гузаронидани чорабиниҳои шавқовару фарҳангӣ, вохӯриву суҳбатҳои муфид, дӯхтан, сохтан ва ихтироъҳои наврасон дар маркази эҷодиёти кӯдакону наврасон ба ҳукми анъана даромадааст.
Кӯдакону наврасоне, ки дар созмонҳои талабагӣ фаъолият доранд, маҳорати эҷодӣ, қобилияти зеҳнии хешро сайқал медиҳанд, таҷриба меомӯзанд ва худро ҳамаҷониба ба санҷишҳо ва талаботи  давру замон омода менамоянд.