Доллари ИМА андаке паст шуд

 Душанбе, 05.05.2014. (АМИТ «Ховар», Лайло Тоирӣ).- Дар нимаи  дуюми ҳафтаи гузашта дар нуқтаҳои мубодилаи асъори ҷумҳурӣ қурби доллари ИМА андаке паст шуда, ба ҳисоби миёна 5,0580-5,0770 сомониро ташкил намуд. 
     Бино ба иттилои хадамоти матбуоти Бонки миллии Тоҷикистон, дар ин миён қурбҳои миёнаи амалиёт бо рубли русӣ ва евро як каме баланд шуда, 0,1403-0,1413 сомонӣ ба як рубли русӣ ва 6,9129-6,9348 сомонӣ ба як евро баробар шуданд. 
2 май  қурби миёнаи доллари ИМА дар нуқтаҳои мубодилаи асъори шаҳрҳои Душанбе 5,0630-5,0830 сомонӣ, Хуҷанд 5,0750-5,0850 сомонӣ ва Қурғонтеппа 5,0700-5,0800 сомониро ташкил дод.