Гиромидошти хотири шоири бузург
Турсунзода, 03.05.2014. (АМИТ «Ховар», Ҳотами Шариф).- Дирӯз дар шаҳри Турсунзода бахшида ба зодрӯзи Қаҳрамони Тоҷикистон, шоири бузурги миллат, ки бо ашъори диловезаш дар кулли ҷаҳон машҳур аст, устод Мирзо Турсунзода ҷамъомади бошукӯҳ доир гардид. Дар ҷамъомад раиси шаҳри Турсунзода, узви Маҷлиси миллии Маҷлиси Олии Ҷумҳурии Тоҷикистон Бобоалӣ Табарзода, вакили Маҷлиси намояндагон Баракатулло Атохоҷа ширкат ва суханронӣ намуданд. Сипас, аъзои маҳфили адабии «Ворисони Турсунзода» бо сарварии аъзои Иттифоқи нависандагони Тоҷикистон Абдуқаҳҳори Қосим аз ашъори безаволи устод Турсунзода шеърҳо қироат карда, дар бораи ҳаёт ва фаъолияти серҷабҳаи ӯ маълумоти арзишманд доданд.
Ҳамчунин баъди ин чорабинӣ вохӯрии вакили Маҷлиси намояндагон Баракатулло Атохоҷа бо фаъолони шаҳр баргузор гардид. Баракатулло Атохоҷа бо такя ба Паёми имсолаи Сарвари Давлат, ки аз натиҷаҳои ҳафт соли гузашта ва вазифаҳоро дар ҳафт соли оянда муайян месозад, гуфтугӯи ошкорою самимӣ доир намуд. Ӯ роҳҳо ва тадбирҳои расидан ба ҳадафҳои стратегии мамлакат, аз даст надодани зиракии баланди сиёсӣ, рушди соҳибкорӣ истеҳсолӣ дар ниҳоди наврасону ҷавонон тарбия намудани ҳисси баланди ватандӯстӣ, ки аз бандҳои гуногуни Паёми Президенти Ҷумҳурии Тоҷикистон Эмомалӣ Раҳмон бармеояд, суҳбати озоду самимӣ дошт.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






