Хисораи оташбозии кӯдаки чорсола

Душанбе, 19.05.2014. (АМИТ «Ховар, Муқаддас  Темурзода). – Оташбозӣ боиси оқибати  ҳузновар  гардид. 
Назар ба  хабари  ВКД ҶТ,  18  май  дар  манзили  сокини  шаҳри  Исфара  Кенҷа Каримов  сӯҳтор  сар  зада, масоҳати  30 метри  мураббаъро  фаро  гирифт. 
Бар  асари  сӯҳтор  боми   бино  ва  асбобҳои  рӯзгори   хонаводаи Кенҷа  Каримов  сӯхтанд. Сабаби  оташ  гирифтани  бино  оташбозии  набераи  соҳиби  хона Сафохон  Каримови  чорсола буд. 
Хисораи  оташбозии  кӯдак  3  ҳазор сомониро  ташкил  дод.
Худи  ҳамон рӯз  дар  саройи  манзили  сокини  шаҳри  Хуҷанд  Муборак  Неъматова  сӯхтор  сар  зад,  масоҳати  40  метри  мураббаъро  фаро  гирифт. Сабаби  ин  сӯхтор  таҳти назорат  нагирифтани  зарфи  гази  моеъ  будааст. Зарари  сӯхтор  2 ҳазор  400 сомониро ташкил  дод.