Хуруҷи неруҳои коалитсионӣ аз Афғонистон баррасӣ шуд

 
Душанбе, 16.05.2014. (АМИТ «Ховар», Мавҷуда Анварӣ). -15 майи соли ҷорӣ вазири корҳои хориҷӣ Сироҷидин Аслов бо ҳайати Конфедератсияи Швейтсария таҳти роҳбарии директори генералии агентии Швейтсария оид ба ҳамкорӣ ва рушд Мартин Даҳинден мулоқот намуд.
Дар вохӯрӣ ҷонибҳо роҷеъ ба вазъият ва имконияти тавсеаи ҳамкориҳои мутақобилан судманди ду давлат мубодилаи афкор намуданд.
Мусоҳибон зикр намуданд, ки муносибатҳои дуҷонибаи Тоҷикистону Швейтсария дар сатҳи хуб қарор доранд ва иқтидори бузург баҳри рушди онҳо вуҷуд дорад.
Инчунин масъалаҳои минтақавӣ, аз ҷумла вазъияти амниятӣ бо назардошти хуруҷи неруҳои коалитсионӣ аз Афғонистон мавриди баррасӣ қарор гирифтанд.