Идомаи озмуни муаллими сол

Душанбе, 22.05.2014. (АМИТ «Ховар», Ҳотами Шариф).- Дар Донишкадаи ҷумҳуриявии  такмили ихтисос ва бозомӯзии кормандони соҳаи маориф озмуни минтақавии «Муаллими соли Тоҷикистон-2014» идома дорад. 13 нафар довталаб аз шаҳру ноҳияҳои тобеи марказ дар озмуни мазкур ширкати фаъолона дорад. Довталабон баробари иҷрои шартҳои дигари озмун, боз соате дар ягон муассисаи таҳсилоти миёнаи умумии шаҳр дар ҳузури аъзои ҳайати ҳакамон дарс хоҳанд гузашт. 
Тибқи иттилои ректори Донишкадаи  ҷумҳуриявии  такмили ихтисос ва бозомӯзии кормандони соҳаи маориф Латофат Назирова барои шаффоф ва ҳаққонӣ гузаштани озмун комиссияи бонуфуз таҳти сарварии академик Маҳмадулло Лутфуллоев таъсис дода шудааст.