«Ифтихор»-и Муҳаммад Ғоиб дастовези «Адиб» ба ҷашни Ваҳдат

  Душанбе, 24.05.2014.(АМИТ «Ховар», Марзия Саидзода).-Ба ифтихори ҷашни ваҳдати миллӣ, ки ҳамасола 27 июн таҷлил мегардад, нашриёти «Адиб» маҷмӯи китобҳои шоирону адибони шинохтаи тоҷикро ба тозагӣ мунташир кард. Инҳо ашъори шоирони саршиноси тоҷик «Рӯ ба меҳроби Ватан»-и Камол Насрулло, «Ифтихор»-и Муҳаммад Ғоиб, «Ваҳдатистон»-и Ҷумъа  Қувват, «Дурахши истиқлол»-и Давлат Сафар ва  «Хуршеди нурафшони мо», ки муаллифаш Орзу Шодӣ аст, ба шумор мераванд.
           Фарҳод Каримзода -раиси нашриёти «Адиб» дар суҳбат ба хабарнигори АМИТ «Ховар» гуфт, ки ҳамзамон нашриёт бархе аз китобҳоеро, ки  муаллифони дастаҷамъона доранд, интишор намудааст. Инҳо китобҳои «Бахтофарин»,  «Шоҳроҳи истиқлол», «Гулбонги истиқлол» ва «Чакомаи ваҳдат» мебошанд. Мазмун ва мундариҷаи китобҳои ба тозагӣ интишорнамудаи «Адиб» саршор аз таҷассуми меҳри ватан, садоқат ба меҳан, ваҳдату ҳамрайъӣ, дӯстиву рафоқат, ифтихор аз гузаштаю имрӯзи кишвар, шукргузорӣ аз истиқлолияту ватани азиз -Тоҷикистони офтобист. 10.50.