Инъикоси ҳаёти шахсони наҷиб

 
Душанбе, 07.05.2014. (АМИТ «Ховар», Раъно Нусратуллозода).-Дирӯз дар Китобхонаи миллии Тоҷикистон аз силсилаи “Ҳаёти шахсони наҷиб”, ки ба ҳаёт ва фаъолияти доктори илми тиб Сабурова Анна Муҳаммадиевна бахшида шуд, вохӯрӣ доир гардид. 
 Дар ҷамъомад муовини ректори Донишгоҳи давлатии тиббии Тоҷикистон ба номи Абӯалӣ ибни Сино оид ба корҳои таълим, профессор Саид Қурбонов, дӯстону шогирдон перомуни ҳаёту эҷодиёти ин шахси наҷиб ибрози ақида намуда, афзуданд,ки  мақоми ин зани донишманд дар соҳаи илми тиб басо калон буда, сазовори эҳтиром аст. Дар интиҳои маҳфил аз тариқи слайд-шоу аксҳо аз рӯзгору фаъолияти Анна Сабурова ба намоиш гузошта шуданд.