Кумаки «Ҳилоли Аҳмар» ба зарардидагон

         Кӯлоб,  19.05.2014. (АМИТ «Ховар», Сулаймони Хол).-Ҳамасола аз ҷониби ҷамъияти  Ҳилоли Аҳмари ҶТ  дар минтақаи Кӯлоб моҳвораи «Ҳилоли  Аҳмар» роҳандозӣ мегардад, ки  масъулини ҷамъият бо  аҳолии ҷамоатҳо вохӯрда, ба оилаҳое, ки дар натиҷаи  офатҳои табиӣ зарар  дидаанд, кумакҳои иҷтимоӣ мерасонанд.  
Ба иттилои  котиби иҷроияи  ҷамъияти  Ҳилоли Аҳмари Тоҷикистон дар минтақаи Кӯлоб   Зайниддин Олимов, ҷамъияти мазкур ба зарардидагони офати табиӣ дар минтақаи Кӯлоб кумак расонид.  То ин дам ба 70 оила дар ноҳияи Шӯрообод, 65 оила дар ноҳияи Восеъ,  40 оила дар ноҳияи Ҳамадонӣ  ва ба 50 оилаи шаҳру навоҳии минтақаи Кӯлоб  кумаки яквақтаи ғизоӣ ва ғайриғизоӣ  расонида шуд.  Инчунин  ба хоҷагиҳои зарардидаи  ҷамоати Балхобии ноҳияи  Муъминобод аз ҷониби ҷамъият  хайма ва  рахти хоб дода шуда, дар оянда низ ба онҳо кумак расонида мешавад.