Мақоми ВАО дар татбиқи ҳуҷҷатҳои стратегӣ

      Душанбе, 21.05.2014. (АМИТ «Ховар,  Кристина  Эрлих). —  20  май  дар  шаҳри  Душанбе  семинар дар  мавзӯи «Мақоми  ВАО  дар  раванди  татбиқи ҳуҷҷатҳои  стратегӣ»  барои  намояндагони  васоити  ахбори  оммаи  миллӣ баргузор гардид.  Семинар  бо  ибтикори  Вазорати рушди  иқтисод  ва  савдои  ҶТ  бо  мусоидати  Барномаи  рушди  СММ  роҳандозӣ  шуд.
Тавре  ки  аз  Вазорати  рушди  иқтисод  ва  савдои  ҶТ  ба  АМИТ «Ховар»  хабар  доданд,  мақсади  асосии  ин  чорабинӣ  иборат  аз  инъикоси  васеи татбиқи Стратегияи  миллии  ҶТ  барои  давраи  то  соли  2015  ва   дастовардҳо  дар  ҷараёни  татбиқи  стратегияи  мазкур  барои  солҳои  2013 – 2015  буд.
Ёдовар  мешавем, ки  вақтҳои  наздиктарин  дар  минтақаҳои  дигари  кишвар  низ  чунин  семинарҳои омӯзишӣ  доир  мешаванд.