«Ман зиндагии солимро интихоб менамоям»-мусобиқа

Душанбе, 21.05.2014. (АМИТ «Ховар, Мавҷуда Анварӣ). — Дар ноҳияи баландкӯҳи Мурғоб мусобиқа аз рӯи волейбол байни дастаҳои идораҳои давлатӣ, мақомоти ҳифзи ҳуқуқ ва сохторҳои қудратии ноҳия баргузор гардид. Мусобиқа таҳти шиори «Ман зиндагии солимро интихоб менамоям» ташкил  шуд ва он ба 15-солагии таъсиси Агентии назорати маводи нашъаовари назди Президенти ҶТ бахшида шуд.
Ҷои якум ва ҷоми агентӣ насиби дастаи шуъбаи ҷавонон, варзиш ва сайёҳии ноҳияи Мурғоб гардид, ҷои дуюмро кормандони шуъбаи ВКД-и ноҳия ва ҷои сеюмро сокинони маҳаллаи УПД-и маркази ноҳия ишғол намуданд.