Медали тиллои нависанда

    Душанбе, 21.05.2014. (АМИТ «Ховар, Фарзона  Достонзода). —  Дар  нашриёти «Мадди аввал» — и  шаҳри  Санкт – Петербург  китоби  ҳикояю  қиссаҳои  нависанда, тарҷумон, узви  вобастаи Академияи  санъати  бадеии  Тоҷикистон,  доктори  фахрии  фалсафаи  бахши  адабиёт Абдуғаффор Абдуҷабборов таҳти  унвони  «Барфи  охирин»  бо  ҳаҷми  умумии  ҳазор  нусха  аз  чоп  баромад.
Бештар  аз  нисфи  нусхаҳои  асар  дар  китобхонаҳои  шаҳри Санкт – Петербур  ва  вилояти  Ленинград  тақсим  шудаанд. 
Мактаби таҳсилотӣ  ва Донишгоҳи  таълимоти  асосии  Оксфорд   барои саҳм ба рушди  муносибатҳои  байналмилалии адабию  фарҳангӣ Абдуғаффор Абдуҷабборовро  бо «Медали  тилло»  сарфароз  намуд, ки  дипломи онро  ректори  Донишгоҳи таълимоти  асосӣ  Санти Ҷаясекёра  ба  муаллифи  китоб  супурд. 
Хотирнишон  месозем, ки  Абдуғаффор  Абдуҷабборов узви Иттифоқи нависандагони Тоҷикистон  ва  Иттифоқи байниминтақавии  нависандагони  Русия  мебошад.
Дар  ин  бора  аз Вазорати  фарҳанги  ҶТ  ба  АМИТ «Ховар»  хабар  доданд.