МОИ «Суғд» хатти нави технологиро мавриди истифода қарор медиҳад

Хуҷанд, 29.05.2014. (АМИТ «Ховар», Абдуаҳад  Шарифзода). — Дар  корхонаҳои  Минтақаи  озоди  иқтисодии «Суғд» технологияҳои нави  истеҳсолӣ мавриди  истифода қарор  мегиранд.
Тавре  ки  аз   маъмурияти  минтақаи  иқтисодӣ  хабар  доданд,  дар  корхонаи  муштараки  «Силкоат бойя» — и  Тоҷикистону  Туркия, ки  ҷузви Минтақаи  озоди  иқтисодии  «Суғд»  ба  шумор  рафта,  ба  истеҳсоли  локу  ранг  ва пардоздиҳӣ машғул  аст,  хатти  нави технологӣ  ба  кор  дароварда  мешавад. Ин  имкон  медиҳад,  ки  хели  маҳсулот ва ҳаҷми  тавлидот  зиёд  карда шавад. 
Баъди  мавриди  истифода қарор  гирифтани  технологияи  нав  иқтисоди  лоиҳавии  корхона  ба  4  ҳазор тонна  мерасад. 
Роҳбарияти  корхонаи  мазкур   ният  дорад, ки   барои  содироти  маҳсулоташ  ба  Федератсияи  Русия  ва  ҶМЧ   шартномаҳои  муштаракро  ба  имзо расонад. 
Хотирнишон  месозем, ки  маҳсулоти  корхонаи  муштараки  «Силкоат бойя» на  фақат  дар  бозори  дохилии  Тоҷикистон,  балки  дар  бозорҳои  кишварҳои  ҳамсоя,  аз  қабили  Афғонистон,  Қирғизистон  ва  Қазоқистон  низ  харидори  зиёде  дорад.