Мошиндузд дастгир шуд
Душанбе, 15.05.2014. (АМИТ «Ховар», Муқаддас Темурзода). — Тавре ки маркази матбуоти ВКД хабар медиҳад, ба шуъбаи ВКД дар ноҳияи Исмоили Сомонӣ шаҳрванд Шамсиддин Саидов, соли таваллудаш 1969, сокини шаҳри Душанбе муроҷиат намудааст, ки шаби 13 ба 14-уми майи соли ҷорӣ шахси номаълум бо роҳи пинҳонӣ аз дохили гаражи назди хонаи истиқоматиаш мошини шахсии тамғаи «Opel — Astra»-и ӯро, ки арзишаш 3 ҳазору 500 доллари амрикоиро ташкил медиҳад, дуздида аз ҷойи ҳодиса ғайб задааст.
Зимни гузаронидани чорабиниҳои фаврӣ-ҷустуҷӯӣ кормандони милитсия бо гумони дуздӣ шаҳрванд Дилшод Саидов, соли таваллудаш 1984, сокини шаҳри Душанберо дастгир намуданд.
Нисбат ба ҳодисаи мазкур парвандаи ҷиноӣ оғоз гардида, тафтиш идома дорад.