Муҳокимаи истеҳсоли гандум дар шароити тағйири иқлим

Душанбе, 29.05.2014. (АМИТ «Ховар»,  Екатерина  Пасторова). —  Имрӯз, 29  май,  дар  шаҳри  Душанбе  Конфронси  илмию  амалии  Осиёи  Марказӣ  дар  мавзӯи «Вазъу  масоили   бахши  истеҳсоли  гандум  дар  шароити  тағйири  иқлим» ба  кораш  оғоз  намуд.
Мақсади  асосии конфронс  иборат  аз   шиносоӣ бо  вазъи истеҳсоли  гандум,  омӯзиши  таҷрибаи  Қазоқистон  ва  кишварҳои  Осиёи  Марказӣ  дар  ин  росто  мебошад.
Дар  кори  конфронс  намояндагони  Вазорати  кишоварзӣ,  Донишгоҳи аграрии  ҶТ, ҳамчунин  намояндагони  Қазоқистону  Афғонистон  ширкат  доранд.
Зикр  шуд, ки таҳқиқи аз  пешгӯии  коршиносон тахмин  кардан  мумкин  аст, ки   шароити  обу  ҳаво  барои  парвариши  зироатҳои  кишоварзӣ  номусоид   хоҳад буд.  Бо  вуҷуди  ин  ҳам  истеҳсоли  маҳсулоти  кишоварзии  кишвар  устувор  буда,   нисбат ба  солҳои  гузашта  5,2  баробар  афзудааст.