Мукофоти БТРА ба Г.Маҳкамова

 
Душанбе, 19.05.2014. (АМИТ «Ховар, Фарзона  Достонзода). – Муовини  аввали  директори генералии  Ҷамъияти  саҳҳомии пӯшидаи «ИМОН   ИНТЕРНЕШНЛ»  Гулбаҳор  Маҳкамова  мукофоти  «Зан дар тиҷорат» — и  Бонки  таҷдид  ва рушди  Аврупоро  ба  даст  овард.
Ин  мукофот ба  занони  соҳибкори  кишварҳои  мухталифи  ҷаҳон  барои  дастовардҳои  касбиашон  дар  рушди   тиҷорат ва  иқтисодиёт  дода  мешавад.  Маросими   супурдани  мукофот  14  майи  соли  равон   дар   шаҳри  Варшаваи  Лаҳистон   дар  ҳошияи  ҷаласаи  ҳарсолаи  солонаи  Шӯрои  мудирон ва  соҳибкорони  Бонки  тармиму  таҷдид  ва  рушди  Аврупо  баргузор  гардид. Гавҳар  Маҳкамова барои  саҳми  назаррасаш ба рушди  бахши  молиявии Ҷумҳурии Тоҷикистон,  соҳибкории  занон  ва   густариши  ҳуқуқҳо,  имкониятҳои  иқтисодӣ  ва баланд  бардоштани  мақоми  занон  дар  ҷомеа  шоистаи  ин  мукофот  гардидааст. 
Хотирнишон  месозем, ки  Г.  Маҳкамова  дар  Тоҷикистон  дуввумин  занест, ки  ин  муокофти олиро ба даст овардааст.  Директори генералии  Ҷамъияти  саҳҳомии  пӯшидаи «ИМОН   ИНТЕРНЕШНЛ»  Санавбар  Шарифова  аввалин ҷоизи  ин  мукофот  дар  кишварамон  гардида буд. 
Дар  ин  бора  аз «ИМОН  ИНТЕРНЕШНЛ» ба  АМИТ «Ховар»  хабар доданд.