Мулоқоти Қоҳир Расулзода бо Муаззам Мекан

Душанбе, 24.05.2014 (АМИТ «Ховар», Фарзонаи Давлат).-Дирўз Сарвазири кишвар Қоҳир Расулзода бо мудири Шўрои инфрасохтори Корпоратсияи байналмилалии молиявӣ оид ба кишварҳои Шарқи Миёна ва Африқои Шимолӣ Муаззам Мекан мулоқот кард.Зимни мулоқот маҷмўи масъалаҳои марбут ба робитаҳои дуҷонибаи Тоҷикистон бо корпоратсияи мазкур ва ҳамкориҳои бисёрҷониба дар шарикӣ бо Бонки ҷаҳонӣ ва Бонки осиёии рушд мавриди баррасӣ қарор дода шуданд. Таваҷҷуҳи асосӣ ба тақвияти ҳамкориҳо дар соҳаи кишоварзӣ, хусусан фароҳам овардани шароити мусоиди коркарди меваю сабзавот, нигоҳдории маҳсулоти кишоварзӣ ва афзун намудани иқтидори содиротӣ дар ин соҳа зоҳир гардид.Ҷонибҳо ҳамзамон оид ба ҳамкорӣ дар соҳаи энергетика, аз ҷумла иштирок дар беҳтаргардонии вазъи молиявию техникии ширкати саҳомию холдингии «Барқи тоҷик» ва омода намудани мутахассисони баландихтисоси соҳаи энергетика табодули афкор карданд.