Мулоқоти Қоҳир Расулзода бо Виктор Иванов
Душанбе 27.05.2014 (АМИТ «Ховар», Фарзонаи Давлат).- Имрўз Сарвазири Ҷумҳурии Тоҷикистон Қоҳир Расулзода бо директори Хадамоти федеролии назорати маводи нашъаовари Федератсияи Русия Виктор Иванов мулоқот кард.
Дар мулоқот доир ба ҷараёни ҳамкориҳои байнидавлатӣ дар мубориза бар зидди гардиши ғариқонунии маводи нашъадор ва дигар ҷиноятҳои муташаккиле, ки ба ҷомеа ва саломатии инсон хатар доранд, табодули афкор сурат гирифт.
Тавре ки таъкид карда шуд, дар давоми солҳои охир нишондиҳандаҳои Тоҷикистон дар самти пешгирӣ ва ошкор кардани ҷиноятҳои марбут ба гардиши ғайриқонунии маводи нашъадор беҳтар гардида, ҳамкориҳои сохторҳои марбутаи мамлакат бо Федератсияи Русия ва дигар кишварҳои минтақа дар ин самт хуб ба роҳ монда шудаанд.
Ҷонибҳо зимни мулоқот ҳамзамон масоили вобаста ба татбиқи Созишномаи байни Агентии назорати маводи нашъаовари назди Президенти Ҷумҳурии Тоҷикистон ва Хадамоти федеролии назорати маводи нашъаовари Федератсияи Русия оид ба расонидани кумак дар соҳаи пешгирии муомилоти ғайриқонунии маводи нашъаовар, моддаҳои психотропӣ ва прекурсорҳои онҳоро мавриди муҳокима қарор доданд.
Имрӯз дар Тоҷикистон ҳавои камабри бебориш пешгӯӣ мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
