Мулоқоти Қ. Расулзода бо ҳамтоёнаш дар Минск

Май 31, 2014 11:18

Душанбе, 31.05.2014.(АМИТ «Ховар», Марзия Саидзода).-Сарвазири Ҷумҳурии Тоҷикистон Қоҳир Расулзода 30 май дар ҷаласаи навбатии Шӯрои Сарони ҳукуматҳои узви кишварҳои Иттиҳоди Давлатҳои Мустақил /ИДМ/, ки дар пойтахти Беларус — шаҳри Минск доир гардид, иштирок намуд. Бояд тазаккур дод, ки дар ҷаласаи навбатии Шӯрои Сарони ҳукуматҳои узви кишварҳои ИДМ 20 масъалаи марбут ба ҳамкориҳои байнидавлатию байниҳукуматии давлатҳои узви ИДМ дар бахшҳои иқтисоду молия ва фарҳангию гуманитарӣ матраҳ гардиданд.   Инчунин дар доираи баргузории ҷаласаи мазкур Сарвазири Ҷумҳурии Тоҷикистон Қоҳир Расулзода бо Сарвазири Ҷумҳурии Беларус Михаил Мясникович мулоқот намуда, масоили марбут ба таҳкими ҳамкориҳои байниҳукуматии Тоҷикистону Беларусро дар бахшҳои иқтисоду тиҷорат, саноат ва ҳамзамон таъмини иҷрои тавофуқҳои зимни сафари расмии Президенти Ҷумҳурии Тоҷикистон Эмомалӣ Раҳмон ба Ҷумҳурии Беларус ҳосилшуда матраҳ гардиданд. Ҳамзамон таҳкими ҳамкориҳои мутақобилан судманди ду кишвари ҳамҷавор-Тоҷикистону Қирғизистон дар меҳвари мулоқоти Сарвазири Ҷумҳурии Тоҷикистон Қоҳир Расулзода ва Сарвазири Ҷумҳурии Қирғизистон Ҷоонмарт Оторбоев қарор дошт. Мусоҳибон доир ба масъалаҳои тақвияти ҳамкориҳои ду кишвари ҳамсоя дар бахшҳои нақлиёту коммуникатсия, таҳкими равобити ноҳияҳои наздисарҳадии ду кишвар табодули назар карданд.  Инчунин ҷонибҳо дар мулоқот таҳкими ҳамкориҳои фарҳангию гуманитарии ноҳияҳои наздисарҳадии Тоҷикистону Қирғизистонро махсусан таъкид намуданд.

Май 31, 2014 11:18

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид