Мусодираи силоҳ ва муҳимоти ҷангӣ аз сокини ноҳияи Фирдавсӣ

Душанбе, 26.05.2014. (АМИТ «Ховар, Мавҷуда Анварӣ). -Дар ҷараёни баргузории чорабиниҳои фаврӣ-ҷустуҷӯӣ дар ҳудуди шаҳри Душанбе кормандони Агентии назорати маводи нашъаовари назди Президенти Ҷумҳурии Тоҷикистон дар хонаи сокини ноҳияи Фирдавсӣ ҳангоми азназаргузаронӣ аз махфигоҳ 1 адад автомати Калашников, 231 адад тири автомати қутрашон 7,62 мм, 1 адад шашкаи тротилии вазнаш 100 гр, 2 адад норинҷаки дастии РГД-5 ва Ф-1, 2 адад тарконакҳои УЗРГМ ва 1 адад корди махсус бо ғилофаш дарёфт ва мусодира намуданд. Дар айни замон тафтиш давом дорад ва сарчашмаи ба даст овардани силоҳу муҳимоти ҷангӣ муайян шуда истодааст.