Намояндаи Бонки ҷаҳонӣ дар бораи “Роғун”
Душанбе, 31.05.2014. (АМИТ “Ховар”).- Дар мулоқоти Президенти Ҷумҳурии Тоҷикистон Эмомалӣ Раҳмон ва Директори минтақавии Бонки ҷаҳонӣ оид ба Осиёи Марказӣ Сароҷ Кумар ҶА як силсила масоили марбут ба ҳамкории Тоҷикистон ва ин ниҳоди муътабари байналмилалӣ мавриди муҳокима қарор гирифт. Сароҷ Кумар ҶА пас аз мулоқот бо Эмомалӣ Раҳмон дар ҳузури намояндагони воситаҳои ахбори омма изҳорот дод:
“Мо бо Президенти Ҷумҳурии Тоҷикистон мулоқоти судманд ва дӯстона доштем. Дар ҷараёни мулоқот мо масоили ҳамкории миёни Бонки ҷаҳонӣ ва Ҷумҳурии Тоҷикистон дар соҳаҳои мухталиф, аз ҷумла рушди бахши хусусӣ, энергетика ва кишоварзиро мавриди муҳокима қарор додем. Мо роҷеъ ба пешравиҳои кор дар самти баҳодиҳии техникии лоиҳаи “Нерӯгоҳи барқию обии Роғун” гуфтугӯ намудем. Мо бо ҷаноби Эмомалӣ Раҳмон омӯзишҳоеро, ки то имрӯз дар самти тадқиқоти лоиҳаи “Нерӯгоҳи барқию обии Роғун” таҳия гардидааст, мавриди муҳокима ва таҳлил қарор додем. То нимаи моҳи июн ҳисоботҳо доир ба масоили иқтисодӣ ва экологии “Роғун” пешниҳод хоҳанд гашт. Дар моҳи июл бошад, дар назар аст, ки мулоқоти якҷояи намояндагони кишварҳои соҳили рӯди Ому баргузор гардад ва дар ҷараёни он ҳисоботҳои аз ҷониби Бонки ҷаҳонӣ таҳияшуда мавриди муҳокима қарор дода шавад. Дар ин самт мо мехоҳем андешаи ҳукуматҳо ва ҷомеаи шаҳрвандии кишварҳои соҳили Омуро бишнавем. Пас аз ин мулоқот хулосаҳои ниҳоии Бонки ҷаҳонӣ дар мавриди корҳои тадқиқотиву баҳодиҳии лоиҳаи “Нерӯгоҳи барқию обии Роғун”дар моҳи август ироа хоҳад шуд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
