Навсозии чароғаку фурӯзонакҳо дар Кӯлоб

Кӯлоб,  26.05.2014. (АМИТ «Ховар»,  Сулаймони Хол).-Муассисаи давлатии фаръии таъмиру  истифодаи  шабакаҳои барқии шаҳри Кӯлоб  дар чор моҳи  соли  ҷорӣ дар хиёбону гулгаштҳо   таъмиру навсозии  чароғаку  фурӯзонакҳои ороиширо  ба роҳ монд.  Ба қавли директори муассисаи мазкур  Ҳамрохон Ҳамдамов  бахшида ба 700- солагии  мутафаккири  барҷаста  Мир Саид Алии Ҳамадонӣ дар хиёбони Исмоли Сомонӣ  таъмиру навсозии симчӯбҳои  барқӣ  ва иваз намудани фурӯзонакҳои  рангаро роҳандозӣ  намуданд, ки  ба ин васила  метавон дар ободу зебо  гардонидани шомгоҳони шаҳр ва гаштугузори шаҳрвандон  мусоидати фаъол намуд. Мувофиқи иттилои  масъулини корхона  дар назар аст, ки  рӯзҳои наздик  чунин корҳоро  дар дигар маҳаллаву кӯчаҳо  роҳандозӣ намоянд.