Оқибати риоя накардани чораҳои бехатарӣ аз сӯхтор

Душанбе, 27.05.2014. (АМИТ «Ховар», Муқаддас Темурзода). -Сабабҳои сар задани сӯхтор дар манзилҳои истиқоматии шаҳрвандон-ин пеш аз ҳама нодуруст истифода бурдани ноқилҳои барқӣ, беназорат мондани дастгоҳҳои барқию газӣ, оташбозии кӯдакон, риоя накардани бехатарии техникӣ ва дигар омилҳо мебошанд. Тавре ки маркази матбуоти ВКД хабар медиҳад, дирӯз дар хонаи истиқоматии шаҳрванди 58-солаи  шаҳри Кӯлоб Аваз Табаров дар масоҳати 15 метри мураббаъ сӯхтор ба амал омад, ки зарари расида 2000 сомониро ташкил медиҳад.
Ҳамчунин дар ин рӯз дар хонаи истиқоматии шаҳрванди 36-солаи  шаҳри Душанбе Илҳомҷон Наврӯзов дар масоҳати 52 метри мураббаъ сӯхтор ба амал омадааст, ки зарари расида 2500 сомониро ташкил дод.