Офаридаҳои Александр Оқилов манзури сокинони Маскав мешаванд

Душанбе, 02.05.2014. (АМИТ «Ховар, Марҳабои  Азамат). – Чанде  пеш  дар  шаҳри  Маскав  асарҳои  рассоми  рус Борис Неменский ва  шогирони  ӯ  ба  маърази  намоиш  гузошта  шуданд. Яке  аз  шогирони  мавсуф – ҳамдиёри  мо Александр  Оқилов  низ офаридаҳои  худро  манзури  сокинони  шаҳри  Маскав  менамояд.
Дар  ин  бора намояндаи  расмии Сафорати ҶТ  дар  ФР Муҳаммад  Эгамзод  ба  АМИТ «Ховар» хабар  дод.
Назар  ба  хабари  манбаъ, намоишгоҳи «Идомаи  муколама: Борис  Неменский  ва дӯстону  шогирони ӯ» дар  толорҳои Академияи санъати тасвирӣ Русия  ифтитоҳ  гардида,  дар  он, қариб  200  офаридаҳои  рассом манзури ҳаводорони  санъати зебо  карда  мешаванд.
Муҳаммад  Эгамзод  зикр  намуд, ки рассоми  маъруф,  омӯзгор, Рассоми  мардумии  Федератсияи  Русия,  узви  пайвастаи Академияи санъати тасвирӣ Русия Б.М.Неменский якҷоя  бо  иштирокдорони  дигари  намоишгоҳ ҳаводорони  санъати тасвириро ба  тамошои  асарҳое  даъват  менамояд, ки  аз  ҳаёти  имрӯзаи  мардуми Русия  ва  фарҳанги он  қисса  мекунанд.