Парлумон лоиҳаи қонун дар бораи гирдиҳамоиҳоро баррасӣ кард

Душанбе, 28.05.2014.(АМИТ „Ховар“, Марзия Саидзода).-Лоиҳаи Қонуни Ҷумҳурии Тоҷикистон «Дар бораи маҷлисҳо, гирдиҳамоиҳо, намоишҳо, пикетгузориҳо ва роҳпаймоиҳо» 28 май дар ҷаласаи Шӯрои палатаи поёнии Парлумони Тоҷикистон, ки дар ҳузури раиси Маҷлиси намояндагони Маҷлиси Олии ҷумҳурӣ Шукурҷон Зуҳуров доир гардид, баррасӣ шуд.  Аз Парлумони мамлакат ба АМИТ „Ховар“ иттилоъ доданд, ки дар ҷаласаи Шӯро ҳамзамон лоиҳаи Қонунҳои Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи фаъолияти аудиторӣ», «Дар бораи хизмати давлатӣ», «Дар бораи берун баровардан ва дохил кардани сарватҳои фарҳангӣ» матраҳ гардида, доир ба онҳо қарорҳои дахлдор қабул гардиданд.