Рӯзҳои алифбои славянӣ дар Тоҷикистон
Душанбе, 20.05.2014. (АМИТ «Ховар, Кристина Эрлих). — Бо ибтикори Калисои православии рус ва Намояндагии ҳамкории Русия дар Тоҷикистон дар ҳошияи рӯзҳои алифбо ва фарҳанги славянӣ 24 май дар Маркази фарҳангу илми Русия воқеъ дар шаҳри Душанбе Рӯзи китоби православӣ баргузор мегардад.
Тавре ки аз Намояндагии ҳамкории Русия дар Тоҷикистон ба АМИТ «Ховар» хабар доданд, рӯзи алифбо ва фарҳанги славянӣ ҳар сол 24 май ба хотири ёдбуди Кирилл ва Мефодии муқаддас дар Русия таҷлил мегардад.
Қобили зикр аст, ки ин ид ҳамчун рӯзи хотираи нахустмуаллимони халқҳои славян — бародарон Кирилл ва Мефодий машҳур аст. Дар Русия ин ид соли 1986 бори дигар эҳё гардида, соли 1991 бо қарори Раёсати Шӯрои Олии Федератсияи Русия мақоми давлатиро касб намуд.
Ба фикри олимон, алифбои славянӣ ҳанӯз дар қарни 9, тахминан соли 863 таълиф шуда буд. Рӯзи хотираи ашхоси муқаддаси зикршуда ҳанӯз дар қарни 19 дар Булғористон таҷлил гардида, сипас ин анъана дар кишварҳои дигар аз қабили Русия, Украина, Беларус ва Молдова доман паҳн кард.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
