Рӯзҳои фарҳанги маънавии ФР дар ҶТ
Душанбе, 20.05.2014. (АМИТ «Ховар, Кристина Эрлих). — Ба манзури рушду таҳкими минбаъдаи ҳамкории фарҳангии байни Тоҷикистон ва Федератсияи Русия аз 26 то 29 май Рӯзҳои фарҳанги маънавии Федератсияи Русия дар Ҷумҳурии Тоҷикистон баргузор мегарданд. Дар ин бора аз Вазорати фарҳанги ҶТ ба АМИТ «Ховар» хабар доданд.
Ҳайати Федератсияи Русия иборат аз ходимони намоёни фарҳангу санъати ин кишвар аст. Дар ҳошияи рӯзҳои фарҳанги маънавӣ дар шаҳри Душанбе як қатор чорабиниҳо роҳандозӣ мешаванд.
26 май дар Театри давлатии академии опера ва балети ба номи Садриддин Айнӣ маросими ботантанаи оғози Рӯзҳои фарҳанги маънавии Федератсияи Русия дар Ҷумҳурии Тоҷикистон ва муаррифии намоишгоҳи суратҳо таҳти унвони «Намунаҳои Русия» баргузор мегардад.
27 май дар Театри драмаи русии ба номи Владимир Маяковский намоишномаи «Беша» аз рӯи асари Александр Островский рӯи саҳна оварда мешавад.
Иштирокдорони Рӯзҳои фарҳанги маънавӣ аз НБО Норак дидор намуда, композитсияи мусиқиро бар шеъру сурудҳои солҳои ҷанг манзури ҳаводорони фарҳанги шаҳри Норак менамоянд.
29 май дар Театри давлатии академии опера ва балети ба номи Садриддин Айнӣ маросими ботантанаи анҷоми Рӯзҳои фарҳанги маънавии Федератсияи Русия дар Ҷумҳурии Тоҷикистон баргузор мешавад.
5 феврал дар якчанд кумита, Академияи миллии илмҳо, Агентии назорати давлатии энергетикӣ ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор мегардад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
