Раиси Ассамблеяи миллии Покистон ба Душанбе омад
Душанбе, 26.05.2014.(АМИТ «Ховар», Марзия Саидзода).- Субҳи имрӯз Сардор Аёз Содиқ -раиси Ассамблеяи Миллии Ҷумҳурии Исломии Покистон бо як ҳайати баландпояи парлумонӣ бо сафари расмии дурӯза ба Тоҷикистон омад. Дар фурудгоҳи байналмилалии Душанбе меҳмони олиқадрро Амиршо Миралиев-муовини аввали раиси Маҷлиси намояндагони Маҷлиси Олии ҷумҳурӣ истиқбол намуд. Дар ин хусус ба АМИТ «Ховар» аз Парлумони кишвар иттилоъ доданд.
Раиси Парлумони Покистон дар ҷараёни сафари расмиаш ба Тоҷикистон ҳамчун рамзи эҳтиром ба тамаддуни давлатдории тоҷикон дар пояи муҷассамаи шоҳ Исмоили Сомонӣ, воқеъ дар майдони «Дӯстӣ»-и Душанбе гулчанбар мегузорад. Интизор меравад, ки имрӯз Сардор Аёз Содиқ бо Президенти Ҷумҳурии Тоҷикистон Эмомалӣ Раҳмон мулоқот намуда, масоили марбут ба таҳкими равобити ҳасанаи Душанбе ва Исломободро дар бахшҳои мухталиф матраҳ намояд. Ҳамзамон раиси Парлумони Покистон бо ҳамтоёни тоҷики худ- Маҳмадсаид Убайдуллоев -раиси Маҷлиси миллӣ ва Шукурҷон Зуҳуров -раиси Маҷлиси намояндагони Маҷлиси Олии Ҷумҳурии Тоҷикистон дидору мулоқот намуда, ҷонибҳо роҳҳои тақвияти ҳамкориҳои байнипарлумонии Тоҷикистону Покистонро баррасӣ хоҳанд кард. Инчунин зимни сафари дурӯзаи расмии худ ба Тоҷикистон Сардор Аёз Содиқ бо вазири корҳои хориҷии Ҷумҳурии Тоҷикистон Сироҷиддин Аслов, котиби Шӯрои амнияти Ҷумҳурии Тоҷикистон Абдураҳим Қаҳҳоров ва вазири энергетика ва захираҳои оби Ҷумҳурии Тоҷикистон Усмонзода Усмоналӣ Юнусалӣ мулоқот анҷом медиҳад.
Раиси Парлумони Покистон ҳамзамон дар ҷараёни сафари расмиаш ба Тоҷикистон аз «Кохи Наврӯз», воқеъ дар хиёбони Исмоли Сомонии Душанбе ва Неругоҳи барқи обӣ ва баҳри Норак боздид менамояд.
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
