Роҳпаймоии ҷавонони Душанбе ҳангоми тулӯи офтоб

Май 22, 2014 16:07

 Душанбе, 22.05.2014.(АМИТ “Ховар”, Марзия Саидзода).-Фардо, 23 май дар саросари Ҷумҳурии Тоҷикистон Рӯзи ҷавонон таҷлил мегардад. Ин санаро ҷавонони Душанбе субҳи барвақт бо роҳпаймоӣ ва шиору овезаҳо дар майдони “Дӯстӣ”-и пойтахт таҷлил менамоянд.
     Аз Раёсати ҷавонон, варзиш ва саёҳии шаҳри Душанбе ба АМИТ “Ховар” иттилоъ доданд, ки соати 5:00 -и 23 май аз чор ноҳияи пойтахт 250 нафарӣ ҷавонони гуногункасб бо шиору овезаҳо ҷониби Маҷмааи меъмории ваҳдат ва эҳёи Тоҷикистон раҳсипор гардида, дар назди  муҷассамаи асосгузори нахустин давлати тоҷикон -шоҳ Исмоили Сомонӣ сарҷамъ меоянд. Ҷавонон бо тулӯи офтоб таҳти навои оркестрҳои нафасӣ Суруди миллии Ҷумҳурии Тоҷикистонро суруда, сипас зери суруди “Эй ҷавонӣ, шод бошӣ” кабӯтару пуфакҳоро ҳамчун рамзи сулҳу дӯстӣ ва ҳамраъйию якдилии ҷавонон ба ҳаво сар медиҳанд. Ҳамоиши ҷавонони Душанбе дар майдони “Дӯстӣ” бо гирифтани акси хотиравии дастаҷамъона хотима меёбад.
Бояд тазаккур дод, ки шумораи умумии иштирокчиёни ин чорабинӣ 2014 нафарро ташкил медиҳад, ки он рамзи сол ва таҷлили 90-солагии Душанбест. Ҷараёни роҳпаймоии ҷавонони пойтахт  тавассути таблоҳои электронии назди муҷассама мустақиман намоиш дода мешавад. 
   Инчунин 23 май аз соати 17:30 то 19:30 дар боғҳои фарҳангию фароғатии «Дӯстии халқҳо», майдони «800-солагии Маскав», «Боғи устод Рӯдакӣ» ва «Кӯли ҷавонон» барномаҳои фарҳангӣ ва намоиши бозиҳои шавқовари варзишӣ ташкил шуда, аз соати 19:30 то 21:30 дар шаршараи Боғи “Наврӯзгоҳи пойтахт” барномаи сатҳи баланди фарҳангии тантанавӣ ва рамзӣ марбут ба 90-солагии Душанбе бо иштироки овозхонҳои ҷавони эстрадаи тоҷик баргузор мегардад. 

Май 22, 2014 16:07

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид