Ронанда аз ҷойи ҳодиса ғайб зад

Душанбе, 17.05.2014. (АМИТ «Ховар», Муқаддас Темурзода). — Тавре ки маркази матбуоти ВКД хабар медиҳад, дирӯз ронандаи мошини тамғаи номаълум дар роҳи мошингарди Қурғонтеппа-Душанбе дар ҳудуди деҳаи Навбунёди ноҳияи Рудакӣ суръати воситаи нақлиётро баланд намуда, сокини 86- солаи ноҳияи Хуросон, пиёдагард Урозалӣ Турсуновро пахш намуда, аз ҷойи ҳодиса ғайб задааст. Дар натиҷа пиёдагарди солхӯрда ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. Барои муайян кардани мошин ва дастгир намудани ронандаи он аз ҷониби кормандони милитсия чораҳои фаврӣ-ҷустуҷӯӣ идома доранд.