«Шабе дар осорхона-шаби санъат»

Душанбе, 16.05.2014. (АМИТ «Ховар», Мавҷуда Анварӣ). -18 майи соли ҷорӣ дар Осорхонаи миллии Тоҷикистон (ОМТ) чорабинии фарҳангии «Шабе дар осорхона-шаби санъат» баргузор мегардад.
Тибқи барнома дар доираи чорабинӣ муаррифии коллексияи ба (ОМТ) эҳдонамудаи Президенти ҶТ Эмомалӣ Раҳмон, экскурсияҳои мавзӯӣ, давраҳои омӯзишии мусиқӣ, намоиши театрии «Истгоҳ», мастер-классҳои театрии «6 дарси аввалини маҳорати ҳунармандӣ», намоиши филмҳои «Гурӯҳи Шамс дар Боми ҷаҳон» ва «Бизнеси мусиқии Тоҷикистон», давраҳои омӯзишии рассомӣ, касбу ҳунар, дарсҳо дар бораи  таърихи касбу ҳунари тоҷик «Ҳунарҳои суннатии тоҷикӣ», «Ҳунармандии имрӯзаи Осиёи Марказӣ», намоишгоҳи фурӯши маҳсули ҳунармандӣ, озмунҳо аз фанни таърих бо иштироки тамошобинон, майдони шеърхонӣ ва намоиши муд аз коллексияи Ҳусейн Ҳайдаров «Тумор» ва Маърифат Давлатова «Сиёҳу сафед» баргузор мегардад. 
Даромад ба  ОМТ аз соати 10.00 то 23.00 сурат мегирад.