Шароити мусоид барои варзишгарон

Шаҳринав, 17.05.2014. (АМИТ «Ховар», Ҳотами Шариф).-Ҳарчанд, ки аз эъмори толори варзишӣ дар шаҳраки Шаҳринав вақти зиёде нагузаштааст, вале ин толор ба ҷои дӯстдоштаи кӯдакону наврасон ва ҷавонони ба варзиш шавқу ҳавас дошта, табдил ёфтааст. Тибқи иттилои директори Муассисаи давлатии маркази варзишии ноҳияи Шаҳринав Маҳмадалӣ Нозимов ҳамарӯза дар марказ беш аз 100 нафар наврасону ҷавонон ба намудҳои гуногуни варзиш машғуланд. Маркази варзишии ноҳияи Шаҳринав, ки дорои шароитҳои мусоиди варзишӣ аст, барои гузаронидани мусобиқаҳои варзишии минтақавӣ ва ҷумҳуриявӣ низ мувофиқ аст.