Шиносоии Сарвари давлат бо фаъолияти Шифохонаи ҳарбии Қӯшунҳои сарҳадӣ
Душанбе, 26.05.2014. (АМИТ «Ховар»).Имрӯз бо иштироки Президенти Ҷумҳурии Тоҷикистон Эмомалӣ Раҳмон дар шаҳри Душанбе Шифохонаи ҳарбии Сарраёсати қӯшунҳои сарҳадии Кумитаи давлатии амнияти миллии Ҷумҳурии Тоҷикистон баъди таъмири пурра мавриди истифода қарор дода шуд.Шифохонаи ҳарбии Сарраёсати қушунҳои сарҳадии Кумитаи давлатии амнияти миллии Ҷумҳурии Тоҷикистон ба сарбозон ва афсарону аҳли оилаи онҳо хизмат мерасонад.Ҳангоми боздидиСарвари давлат аз ҳуҷраҳои беморхонаи ҳарбӣ таъкид гардид, ки сол ба сол хизматрасонии тиббӣ ба сарбозону афсарон беҳтар мегардад. Ин муассисаи тиббӣ, ки аз 4 бинои сеошёна иборат аст, бо маблағгузории Ҳукумати Ҷумҳурии Тоҷикистон аз таъмири пурра бароварда шуда, дар он шароити зарурии ташхису табобат фароҳам оварда шудааст.Шифохонаи ҳарбии Сарраёсати қушунҳои сарҳадии Кумитаи давлатии амнияти миллии Ҷумҳурии Тоҷикистон аз 8 шуъба иборат буда, дорои 160 кати хоб мебошад. Дар дармонгоҳи шифохона дар як баст то ба 150 нафар хизмати тиббӣ расонда мешавад.Дар ҳамаи шуъбаҳо навтарин дастгоҳу таҷҳизоти тиббӣ насб гардидааст. Аснои шиносоӣ бо шароити шифохона Сарвари давлат ба масъулини Вазорати тандурустӣ ва ҳифзи иҷтимоии аҳолӣ супориш дод, ки барои табобати пурраи афсарону сарбозон ҳамкориро бо ин муассисаи табобатӣ ба роҳ монанд. Президенти мамлакат бо сарбозон дар ин шифохона суҳбат карда, онҳоро ба хизмати садоқатмандона ҳидоят намуд.Дар Шифохонаи ҳарбии Сарраёсати қушунҳои сарҳадии Кумитаи давлатии амнияти миллии Ҷумҳурии Тоҷикистон 147 табибу дигар кормандон фаъолият карда, барои ташхису табобати беморон аз имкониятҳои мавҷуда самаранок истифода менамоянд. Кормандони Шифохонаи ҳарбии Сарраёсати қушунҳои сарҳадии Кумитаи давлатии амнияти миллии Ҷумҳурии Тоҷикистон ба Сарвари давлат барои таваҷҷуҳи пайваста ва ғамхорӣ минатдорӣ баён намуда, таъкид доштанд, ки барои беҳтар ба роҳ мондани хизматрасонии тиббӣ тамоми нерӯи худро равона менамоянд.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
