Таҷлили Рӯзи оила дар ноҳияи Рашт

Рашт,16.05.2014. (АМИТ «Ховар», Зебо Давлатзода).-Ба иттилои  муовини раиси ноҳияи Рашт Зумрад Лоиқова дар Қасри фарҳанги ноҳия бо иштироки раиси ноҳия Саидимрон Абдураҳмонзода ва сокинони шаҳраки Ғарм Рӯзи оила баргузор гардид. Зумрад Лоиқова афзуд, ки бахшида ба ин рӯз дар толори Қасри фарҳанг озмуни оилаҳои беҳтарин ва викторина оид ба фарҳанги оиладорӣ, намоиши дастии занҳои ҳунарманд, инчунин озмуни расми беҳтарин гузаронида шуд. 
Дар ҷамъомад ба 10 нафар навхонадор ва чор нафар кӯдаки навзод аз оилаҳои ниёзманд шаҳодатнома супорида шуд. Инчунин дар ин рӯз ба оилаҳои беҳтарин туҳфаҳо супорида шуданд. 
Чунин ҷамъомадҳо дар ноҳияҳои Ҷиргатол, Тоҷикобод, Нуробод ва Файзободи шаҳри Роғуну Ваҳдат гузаронида шуданд.