Таърихи гузаштагон бо Қалъаи Хуҷанд алоқаи зич дорад
Душанбе, 03.05.2014. (АМИТ «Ховар», Мавҷуда Анварӣ). — Дирӯз раиси вилояти Суғд Абдураҳмон Қодирӣ бо мақсади ошноӣ пайдо намудан ба мавзеи таърихии маркази вилоят, қалъаи Хуҷанд ташриф овард.
Қалъаи Хуҷанд таърихи наздик сеҳазорсола дошта, саҳфаҳои пурғановату рангини таърихи гузаштагон бо ин мавзеъ алоқаи зич дорад.
Дар гузашта шаҳри Хуҷанд бо номҳои Хварчанд, Хваканта, Хубҷамъ ва Хуҷанд дар тамоми олам маъруфу машҳур буд. Қалъаи Хуҷанд асосан барои таъмини амнияти шаҳр истифода гардида, лашкаркашон ин мавзеъро ҳамчун пойгоҳи асосӣ истифода менамуданд.
Дар шафати қалъа аз соли 1935 инҷониб боғи истироҳативу фароғатӣ амал менамояд. Бино ба иттилои таърихнигорон сокинони Хуҷанди бостони ҷашну тантанаҳои мардумиро маҳз дар ҳамин мавзеъ таҷлил менамуданд, ки имрӯз ҳамчун боғи Камоли Хуҷандӣ маъруфияти бештар дорад.
Роҳбари вилоят таъкид кард, ки ин мавзеъ инъикосгари таърихи гузаштаи дуру наздики маркази вилоят ба ҳисоб меравад, аз ин лиҳоз моро зарур аст, ба хотири гиромидошт ва пос доштани таъриху фарҳанги миллии худ ин маконро обод намуда, ҳамчунин баҳри ҳифзи он чораҳои зарурӣ андешем.
Дар ин бора аз Хадамоти матбуоти раиси вилояти Суғд хабар доданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
