Виктор Иванов ҳайати шахсии АНМН-ро табрик кард
Душанбе, 28.05.2014. (АМИТ «Ховар, Мавҷуда Анварӣ). — Директори Хадамоти Федеролии Федератсияи Русия оид ба назорати маводи нашъаовар Виктор Иванов дар доираи сафари худ ба Тоҷикистон ба Агентии назорати маводи нашъаовари назди Президенти ҶТ ташриф оварда, бо ҳайати шахсӣ вохӯрӣ намуд. Директори агентӣ Рустам Назаров ба роҳбари Хадамоти Русия барои расонидани кумак ва дастгирӣ ба агентӣ дар соҳаи мубориза бар зидди маводи нашъаовар арзи сипос намуд. «Агентӣ бо анъанаҳои мустаҳками дӯстӣ ва ҳамкорӣ бо Хадамоти Русия мефахрад, ки онҳо заминаи боэътимод барои рушди оянда дар соҳаи мубориза бар зидди муомилоти ғайриқонунии воситаҳои нашъаовар, маводи психотропӣ ва сӯйистеъмол аз онҳо мебошанд»- иброз намуд Рустам Назаров. Директори Хадамоти Русия ба кори ҳамоҳанги мақомоти ҳифзи ҳуқуқ ва сохторҳои қудратии Тоҷикистон баҳои баланд дода, зикр намуд, ки мушкилоти интиқоли маводи нашъаовар танҳо мушкилоти як кишвар нест ва даъват намуд, ки тамоми қувва барои ташкили мубориза бар зидди маводи нашъаовар муттаҳид шавад. Виктор Иванов роҳбарият ва ҳайати шахсии агентиро ба муносибати 15-солагӣ табрик намуд. Як гурӯҳ кормандони агентӣ ба муносибати 15-солагии таъсиси идора аз номи Хадамоти Федератсияи Русия оид ба назорати маводи нашъаовар бо медал ва туҳфаҳои қиматбаҳо қадрдонӣ шуданд.Дар вохӯрӣ инчунин кормандони масъули Созмони Аҳдномаи Амнияти Дастаҷамъӣ ва Хадамоти давлатии назорати маводи нашъаовари Ҷумҳурии Қирғизистон иштирок намуданд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






