Вохӯрии ҷавонони ҳизбҳои сиёсӣ бо намояндагони САҲА
Душанбе, 22.05.2014 (АМИТ «Ховар», Фарзонаи Давлат).- Дирӯз дар намояндагии Созмони амнияту ҳамкории Аврупо (САҲА) дар Тоҷикистон бо аъзои ҳизбҳои сиёсӣ ва намояндагони кор бо ҷавонони ҳизбҳои сиёсии кишвар дар САҲА мизи мудаввар доир шуд.
Дар мулоқот намояндаи САҲА Роберт Норфолк-Уиттакер, намояндагони ҳизбҳои сиёсӣ аз ҲХДТ, ҲАТ, ҲУСДТ ва ҲНИТ иштирок намуданд.
Тавре ки дар ин бора аз намояндагии ТҶҶ «Созандагони Ватан» дар ноҳияи Шоҳмансури пойтахт хабар доданд, Роберт Норфолк-Уиттакер ба ҷавонони ҳизбҳои сиёсии кишвар оид ба фаъолияти Парламент ва ҳизбҳои сиёсии Британияи Кабир тавассути тақдим (презентатсия) маълумот дода, дар анҷоми чорабинӣ байни ҷавонони ҳизбӣ ва намояндаи САҲА саволу ҷавоб доир шуд.
Дар назар аст, ки дар вохўрии минбаъда намояндагони САҲА оид ба фаъолияти парламент ва ҳизбҳои сиёсии Норвегия ба ҷавонони ҳизбҳои сиёсии мамлакат маълумот диҳанд.
Гуфта мешавад, ки намояндагии САҲА дар шаҳри Душанбе дар рӯзҳои наздик бо намояндагони ҳизбҳои сиёсии минтақаи Кўлоби вилояти Хатлон низ сари як мизи гирд дидор анҷом медиҳад.
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
