Ғолибияти “Эсхата”,“Исфара” ва “Зарафшон дар Суғд

Душанбе, 02.06.2014. (АМИТ «Ховар», Меҳрони Қурбон)-Бозиҳои даври сеюми мусобиқаи лигаи аввали футболи Тоҷикистон 28- 29-майи дар минтақаи Суғд баргузор шуданд. Бояд зикр кард, ки дар се бозӣ мизбонон пирӯзӣ ба даст оварданд. Дастаи «Эсхата»-и Хуҷанд бар дастаи “Маркази омодагии олимпӣ»-и Хуҷанд бо ҳисоби бузурги 6-0, дастаи «Зарафшон»-и Панҷакент бар дастаи «Ҷавонӣ»-и ноҳияи Ҷаббор Расулов бо ҳисоби 6-1 ва дастаи «Исфара»-и Исфара бар дастаи «Қайроққум»-и Қайроққум бо ҳисоби 4-0 ғолиб шуд. Ёдовар мешавем, ки дастаи «Мастчоҳ»-и Мастчоҳ бо дастаи «Канд»-и Конибодом вориди сабқат шуд ва онро бо ҳисоби 2-1 шикаст дод. Хотиррасон менамоем, ки баъди натиҷагирии се даври мусобиқа дар ҷадвали бозиҳо се даста — “Эсхата”, “Исфара ва “Зарафшон”, ки дар ҳар се бозӣ ғолиб шудаанд, бо 9 имтиёзӣ дар сафи аввал қарор доранд.