Ҳаҷми қарзҳои хурд 34,3 фоиз афзуд
Душанбе, 25.06.2014. (АМИТ «Ховар», Лайло Тоирӣ).- Бақияи умумии қарзҳо дар моҳи майи соли ҷорӣ нисбат ба ҳамин давраи соли гузашта 37,1 фоиз зиёд шудааст. Дар ин бора аз хадамоти матбуоти Бонки миллии Тоҷикистон иттилоъ доданд. Бино ба иттилои бонк, дар маҷмӯъ 3 млрд. 589,5 млн. сомониро қарзҳо бо пули миллӣ ва 5 млрд. 11,0 млн. сомониро қарзҳо бо асъори хориҷӣ ташкил додаанд. Дар таркиби бақияи қарзҳо 59,1 фоиз (5 082,9 млн. сомонӣ)-ро қарзҳои кутоҳмуддат ва 40,9 фоиз (3 517,6 млн. сомонӣ) -ро қарзҳои дарозмуддат ташкил медиҳанд. Фоизи миёнавазни қарзҳо дар низоми бонкии мамлакат дар моҳҳои январ-майи соли ҷорӣ бо пули миллӣ 26,31 фоиз ва бо асъори хориҷӣ 24,20 фоизи солонаро ташкил намуд. Илова бар ин, ҳаҷми қарзҳои хурди додашуда дар муқоиса ба ҳамин давраи соли қаблӣ 34,3 фоиз афзуд. Аз ин маблағ 488,3 млн. сомонӣ ба ноҳияҳои дурдасти кӯҳистон қарзҳои хурд дода шудаанд, ки нисбат ба ҳамин давраи соли гузашта 30 фоиз зиёд мебошад.
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
